[PR]上記の広告は3ヶ月以上新規記事投稿のないブログに表示されています。新しい記事を書く事で広告が消えます。
又再次為五月天大出血喇！阿媽實會話我買埋D唔等洗嘅嘢……
用成400蚊買兩件T，一般來講，阿媽都唔會話我大洗，自己亦覺得唔貴~但係同原價相比，咁先至肉赤啊！！！！(T_T)
五月天世界巡迴演唱會紀念T恤E款，原價480台幣，而家175RMB，因為已絕版！
五月天黑色T恤，原價380台幣，而家215RMB，又係因為早已絕版，而且係好早好早好早就絕咗版，呢件仲要係技師版，背後有對翅膀！！！！！！
就係因為絕版，就要貴咁多，炒高個價，真係無良啊！！！！自己又衰啦，頂唔住誘惑，一頸血啊！！！！又唔系咩名牌，手工又差，至叻呃人钱係你哋啦！！！！
→呢件M號，好鬼死大件，早知就要件S號。陳信嗰件XXL咪大得好恐怖？！
→技師經常著，原來件衫好厚ga~~短袖衫用咁厚布料，叫人咩時候著喎！
→背面有對靚靚嘅翅膀，全件衫我最鍾意呢對翼，淨係技師版至有，歌迷版無ga！！XDDDDDDDDDDDDDDD
再來放大對翅膀俾大家睇睇→
不看新聞都不知道，原來事態這麽嚴重！港選“最想非禮女藝人”事件鬧得沸沸揚揚，事件再度昇溫！現在港台抵不住全港市民和輿論壓力，決定停播『架勢堂』。
事件起因：由森美小儀主持的電台節目『架勢堂』，於6月2日推出題目為“我最想非禮的香港女藝人”的網絡票選活動，票選一推出即令各界不滿。具體的事件經過，我不再多說了，上綱搜吧。
幸咗好耐嘅『王的男人』琴晚終於睇完，等咗差唔多半年啊！網路上傳到沸沸揚揚，人嘅好奇心就真係犀利，越係無得睇D人就越想睇，原本我對呢部電影無乜興趣，最後都抵擋唔住輿論嘅壓力同自己嘅好奇心，不過仲有個原因嘅~~~~因為有李凖基！呢個男人不得了啊，美！我諗唔到再用咩詞來形容佢喇，真系好美啊！
就是此人→
乜解究佢會咁美？！作為女人，我都感到自卑。比女人還要美的男人！無論五官、輪廓、線條、面型、皮膚，樣樣都咁吸引人，唔怪得皇會帝愛上佢，電影入面嘅太妃想唔妒忌佢都唔得啦~睇番張正常D嘅相啦！
講番部電影，陰霾、淒美。三個男人的愛情，好“斷背”！『王的男人』從2005年12月開始在韓國公映，到2006年3月3日下午4點，上映66日達到1175萬人次，成為韓國電影史上觀衆總人數歷史第一名。如此受歡迎，的確有其勝人之處。首先內容題材就係一大突破，對於中國咁大嘅電影市場，有幾多位導演敢如此裸露地大談同性戀？嗰種同性純愛，比斷背山更令人刻骨銘心，更加淒美！再加上，揾到個“比女人還美”的李凖基演“孔吉”一角，更係呢部電影嘅最大亮點。總的來講，『王的男人』都算係一部值得欣賞嘅大片，淒美得來又不失輕鬆幽默。
總算這次回家沒白回了，瘋瘋癲癲的兩天，而且還有Surprise！
我也很久沒瘋過了，上週六晚，為了一個好朋友(男友沒有回來陪她，心情極其Down)，我把我能叫到的朋友都叫出來唱K了，我也夠義氣了，也算夠面子，Call到十多人出來。呵呵，其實不難，平常都是這樣子的啦~而且請了8個帥哥陪她唱K，唱到12點多才散，還要不回家到我家睡，對於一個這麽乖的女生竟然出來“蒲”，呵呵~~不把他BF氣死才怪！算是一個小小的教訓啦！不過我也很可憐，淩晨4點才睡著，第二天8點又要起來飲早茶，嚴重睡眠不足~~>_<
第二天起來，Surprise就來了，那份遲到的兒童節禮物就放在餐桌上，嘻嘻~~是一部新DC，我爸在我毫無心理准備，也完全沒有跟我商量過的情況下，就買了這部新DC，還懶風趣地說：“兒童節嘛，這當然是兒童節禮物啦~”咿~~~幹嘛要搞到這麽神秘喇！！！我差點都哭出來了。
DC的名字叫sony DSC-W30，出生於2006年3月，價錢2000左右，性價比都OK啦，剛用了幾天，功能還不錯，不過跟屋企部老機Sony DSC-F707比，功能肯定遜色了一點，但像我這麽不專業的人，簡單易用的機就比較適合我啦(雖然我鍾意T30多點)！600萬像素，2.0寸液晶屏，不大不小，不會太耗電，再加上2GB的MS Duo(老豆額外附送的)，我好知足的~~~嘻嘻~~~愛死你啊，老豆！！
→係咪好靚仔呢~~自己拍自己一樣咁掂！
→2GB嘅MS PRO Duo，以後要影Mayday，想點影都得啦！連“分唇”都可以拍有聲影片拍足全場啦~~~呵呵！
→一個細盒入面都裝到好多嘢噃~~~